عمرہ کی دعائیں - عربی متن اور اردو ترجمے کے ساتھ

تلبیہ - احرام سے عمرہ تک

احرام باندھنے کے بعد سے طواف شروع کرنے تک بار بار یہی پڑھیں - یہ عمرہ کی سب سے اہم دعا ہے:

لَبَّيْكَ اللَّهُمَّ لَبَّيْكَ، لَبَّيْكَ لَا شَرِيكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ، لَا شَرِيكَ لَكَ

ترجمہ: میں حاضر ہوں اے اللہ! میں حاضر ہوں۔ تیرا کوئی شریک نہیں۔ تمام تعریف، ہر نعمت اور ساری بادشاہی صرف تیری ہے۔ تیرا کوئی شریک نہیں۔

اللَّهُمَّ افْتَحْ لِي أَبْوَابَ رَحْمَتِكَ

ترجمہ: اے اللہ! میرے لیے رحمت کے دروازے کھول دے۔

کعبہ پہلی بار نظر آئے تو وہ لمحہ دعا کی قبولیت کا ہے - جو چاہیں مانگیں، اپنی زبان میں بھی۔

بِسْمِ اللَّهِ وَاللَّهُ أَكْبَرُ

ترجمہ: اللہ کے نام سے، اور اللہ سب سے بڑا ہے۔ (ہر چکر کے آغاز میں حجر اسود کی طرف اشارہ کرتے ہوئے)

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

ترجمہ: اے ہمارے رب! ہمیں دنیا میں بھی بھلائی دے، آخرت میں بھی بھلائی دے اور ہمیں آگ کے عذاب سے بچا۔ (رکن یمانی اور حجر اسود کے درمیان)

ان کے علاوہ قرآن کی تلاوت، درود شریف اور اپنی دعائیں - سب جائز اور بہترین ہیں۔

اللَّهُمَّ إِنِّي أَسْأَلُكَ عِلْمًا نَافِعًا وَرِزْقًا وَاسِعًا وَشِفَاءً مِنْ كُلِّ دَاءٍ

ترجمہ: اے اللہ! میں تجھ سے نفع دینے والا علم، کشادہ رزق اور ہر بیماری سے شفا مانگتا ہوں۔

إِنَّ الصَّفَا وَالْمَرْوَةَ مِنْ شَعَائِرِ اللَّهِ

ترجمہ: بے شک صفا اور مروہ اللہ کی نشانیوں میں سے ہیں۔ (صفا پر چڑھتے وقت ایک بار)

پھر کعبہ کی طرف رخ کر کے تین بار اللہ اکبر کہیں اور اپنی دعائیں مانگیں - یہاں طویل دعا مانگنا سنت ہے۔

السَّلَامُ عَلَيْكَ يَا رَسُولَ اللَّهِ وَرَحْمَةُ اللَّهِ وَبَرَكَاتُهُ

ترجمہ: اے اللہ کے رسول! آپ پر سلامتی ہو اور اللہ کی رحمت اور برکتیں نازل ہوں۔

ادب سے، آہستہ آواز میں سلام عرض کریں۔ سلام کسی اور کے ذریعے پہنچوانا یا لکھوانا شریعت میں ثابت نہیں۔

کیا طواف کے ہر چکر کی الگ دعا ہے؟

نہیں، یہ کتابچے میں لکھی دعائیں شریعت سے ثابت نہیں۔ ہر چکر میں جو چاہیں دعا کریں - اردو میں بھی دعا بالکل جائز ہے۔

دعائیں یاد نہیں، کیا کریں؟

کوئی مقررہ دعا لازم نہیں۔ "رَبَّنَا آتِنَا..." جیسی چھوٹی دعائیں یاد کر لیں، باقی اپنے الفاظ میں مانگیں۔

ریاض الجنت میں کیا پڑھیں؟

نفل نمازیں، تلاوت قرآن اور دعائیں۔ وہاں جانے کے لیے نسک ایپ سے سلاٹ لازمی ہے - ہم اپنے مسافروں کی بکنگ میں مدد کرتے ہیں۔